Gehraiyaan (2022) Review मराठी Deepika Padukone | Ananya Pandey | Siddhant Chaturvedi | Dhairya Karwa Directed By Shakun Batra


 Gehraiyaan (2022) : Review


Directed by 

Shakun Batra 

Dar Gai

Writing Credits (in alphabetical order)  

Shakun Batra ... (story)

Ayesha DeVitre ... (screenplay)

Ayesha DeVitre ... (story)

Ayesha DeVitre 

Sumit Roy ... (screenplay)

Sumit Roy 

Yash Sahai ... (Additional Screenplay)

Yash Sahai ... (dialogue)

Cast  

Deepika Padukone Deepika Padukone ... Alisha

Siddhant Chaturvedi Siddhant Chaturvedi ... Zain

Dhairya Karwa Dhairya Karwa ... Karan

Ananya Pandey Ananya Pandey ... Tia (as Ananya Panday)

Naseeruddin Shah Naseeruddin Shah ... Vinod(Alisha's Father)

Pavleen Gujral Pavleen Gujral ... Alisha's Mom(Young)

Rajat Kapoor Rajat Kapoor ... Jitesh

Certification 

India:A (self-applied)  

मानवी नातेसंबंधाचे विविध पदर, या नात्यांमुळे होणारी ओढाताण, सारं काही असूनही नाती टिकवताना होणारी दमछाक, अपेक्षाभंगाचं दु:ख असा सारा ‘कंटेट’ असलेला मुख्य प्रवाहातला चित्रपट सध्या दुर्मीळ होत चालला आहे. शकुन बात्राचा ‘गहरारियाँ’ अशाच एका नातेसंबंधाची गोष्ट सांगतो. सतत काही ना काही पाहण्याची सवय असलेल्या ‘ओटीटी’ माध्यमाच्या जातकुळीला छेद देणारा चित्रपट आपल्याला अनुभवायला मिळतो. ही गोष्ट काहीशी कंटाळवाणी होत असली, तरी दीपिकाच्या अभिनयासाठी ती आपण नक्कीच पाहू शकतो. अलिशा (दीपिका पदुकोण) या योगशिक्षिकेची ही गोष्ट. आई-वडिलांच्या नातेसंबंधातला तणाव, लहानपणापासून सतत कशाची तरी टोचणी लागून पुढं आलेलं आयुष्य, करिअरमध्येही मनाजोगं हाती न लागणं अशा विविध टप्प्यांवरून तिचं आयुष्य जात आहे. पाच वर्षांपेक्षा जास्त काळ ती करणसोबत (धैर्य करवा) ‘लिव्ह इन’मध्ये राहत आहे. मात्र, काही ना काही कारणांनी या दोघांत खटके उडत आहेत. अलिशाची बहिण टियाचं (अनन्या पांडे) लग्न झेनशी (सिद्धार्थ चतुर्वेदी) ठरलं आहे; पण पहिल्या भेटीतच अलिशा झेनकडे आकर्षित होते. त्यानंतर अलिशा आणि झेनमध्ये एक वेगळंच नातं उमलतं. झेन हा ‘रिअल इस्टेट’मधली बडी हस्ती आहे. विविध बिझनेस डिलसाठी तो टिया आणि तिच्या कुटुंबीयांच्या मागं आहे. दुसरीकडे अलिशाही सुरुवातीला ‘नाही’ म्हणूनही पुन्हा झेनच्याच प्रेमात आहे. मात्र, या प्रत्येक व्यक्तिरेखेच्या आयुष्याचा एक भूतकाळ आहे. प्रत्येकाकडे काही ना काही ‘न दाखवलेलं’ आहे. या साऱ्या गुंतागुंतीची उकल म्हणजे ‘’. चित्रपटाची गोष्ट तशी साधीच. प्रेमाचा ‘त्रिकोण’, ‘चौकोन’ अशा ‘टिपिकल’ साच्यातली. या गोष्टीत पुढं काय होणार, अशी उत्सुकता अजिबातच वाटत नसल्यामुळे चित्रपटातला ‘सरप्राइज इलिमेंट’ काहीसा संपून जातो आणि सुरू होतो फक्त आणि फक्त ‘मेलोड्रामा’. वरवर कचकड्याप्रमाणे दिसणारी नाती खरी, की आपल्या मनात आत खोलवर रुतून बसलेल्या इच्छा-अपेक्षांची पूर्ती होणारी नाती खरी, हा इथं मांडलेला महत्त्वाचा प्रश्न आहे. समुद्रात उसळणाऱ्या लाटेचं प्रतीक वारंवार दाखवून समुद्राच्या तळाचा शोध घेण्याचा प्रयत्न दिग्दर्शक करतो आहे. या शोधाचा प्रवास इथं विस्तारानं मांडला जातो. हा प्रवास उलगडण्यासाठी लेखक-दिग्दर्शकानं निवडलेलं अवकाश, ते वातावरण उच्चभ्रूंचं आहे. म्हणजे तिथं पैशांची विवंचना आहे, कोट्यवधींची ‘डील’ आहेत, पालक-मुलांचं न पटणं आहे. प्रत्येक आर्थिक-सामाजिक वर्तुळात हे सारं होत असतं. सारं काही असूनही काही तरी हातातून निसटत असल्याची खंत आहे. ही खंतच ‘गहराइयाँ’ अधिक उत्कटतेने मांडतो. स्कार्लेट जोहान्सनच्या गाजलेल्या ‘मॅच पॉइंट’ या सायकॉलॉजिकल थ्रिलरपासून प्रेरणा घेऊन हा चित्रपट तयार केला गेला आहे. अशा ‘जॉनर’चा चित्रपट आंतरराष्ट्रीय चित्रपटप्रेमींसाठी नवा नसला, तरी भारतीय रसिकांसाठी नवा आहे. कोणतही थेट ‘हॅपनिंग’ नसलेला चित्रपट आपण कितपत आपलासा करू शकतो, याचं ‘टेस्टिंग’ करणारा हा चित्रपट आहे. चित्रपटाच्या मांडणीत ‘फ्रेशनेस’ आहे, चकचकीत दृश्यं आणि नयनरम्य लोकेशन्स आहेत, इंटिमेट दृश्यंही गरजेप्रमाणे (जरा जास्तच) आहेत. अभिनयात दीपिका पदुकोण ‘अव्वल’ असल्याचं वारंवार जाणवतं. सिद्धार्थ चतुर्वेदी, अनन्या पांडे, नासिरुद्दीन शाह, रजत कपूर यांच्याही भूमिका उत्तम. चित्रपटाची लांबी ही खटकणारी गोष्ट आहे. दोन तास २८ मिनिटांचा हा चित्रपट थोडा आणखी कमी झाला असता, तर निश्चित अधिक नेटका झाला असता. तुम्हाला काही वेगळं पाहायचं असेल, थोडा वेळ देऊन, दीर्घ ‘पॉज’ घेऊन काही अनुभवायचं असेल, तर ‘गहराइयाँ’ हा एक पर्याय आहे, अर्थात उणीवांकडं दुर्लक्ष करण्याची तयारी हवी. गहराइयाँ निर्माते ः हिरू यश जोहर, करण जोहर, अपूर्व मेहता दिग्दर्शक  शकुन बात्रा कथा-पटकथा शकुन बात्रा, यश सहाय, सुमीत रॉय कलाकार दीपिका पदुकोण, सिद्धांत चतुर्वेदी, अनन्या पांडे, धैर्य करवा, नासिरुद्दीन शाह, रजत कपूर संगीत कबीर कथपलिया, सवेरा मेहता ओटी अमेझॉन  प्राइम दर्जा


Post a Comment

0 Comments